Rusiye arbiyleriarman ayınıñ 18-ne keçken gecesi Ukrayinağa İskander-M4 ballistik raketaları ve 140 "Şahed" tipindeki ücüm uçaqları ve pilotsız uçaqlarınen ücüm etti, dep bildirdi Ukrayina silâlı quvetleri.
"İlk malümatlarğa köre, saat 9-da ava mudafaası quvetleri tarafından Şimal, Cenübiy, Şarqiy ve Merkeziy qısımlarda 88 duşmannıñ "Şahed" tipindeki pilotsız uçağı ve farqlı tipli dronları tüşürildi. Donetsk, Harkiv, Sumı, Dnipropetrovsk, Odesa ve Kıyiv vilâyetlerinde 25 yerde duşman raketaları ve pilorsız uçaqlarnıñ urulması qayd etildi", — dep aytıla haberde.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturasına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
